Басты Жаңалықтар Қытайлық жұмысшылар Бағдатқа көшірілді

Қытайлық жұмысшылар Бағдатқа көшірілді

28.06.2014 05:30

Үкіметтік әскер мен жиһадшылар арасындағы қақтығыстар өршіген Ирактың Самарра қаласынан мыңнан астам қытайлық жұмысшы Бағдатқа көшірілді.

«Синьхуа» агенттігінің хабарлауынша, қытайлық азаматтардың қауіпсіздігін Ирак әскерилері қамтамасыз еткен. Олардың бір бөлігі тікұшақпен, ал қалғаны автобустармен көшірілді.

Айта кетсек, Қытай Салах-әд-Дин провинциясының Самарра қаласында электр станциясын салып жатыр. Соңғы уақытта қала төңірегінде «Ирак пен Левант ислам мемлекеті» ұйымы шабуылдарын үдете түскен.

Жалпы, Иракта 10 мыңнан астам қытайлық жұмыс істейді. Олардың басым бөлігі – қытайлық компаниялардың қызметкерлері. Ирактағы қытайлық кәсіпорындарының көбі негізінен елдің тыныш, әрі қауіпсіз аймақтарында орналасқан.

Арай ТӨЛЕГЕНҚЫЗЫ

Автор

Арай Төлегенқызы

Бөлісу