Басты Жаңалықтар Косоводағы тәртіпсіздіктер кезінде 20-ға жуық адам жараланды

Косоводағы тәртіпсіздіктер кезінде 20-ға жуық адам жараланды

23.06.2014 09:30

Косовоның солтүстігіндегі Косовска-Митровица қаласында тәртіпсіздіктерден 23 адам жараланды.

Жапа шеккендер арасында 13 полиция қызметкері мен 2 журналист бар. Жүздеген жергілікті албандар қаланы этникалық жағынан екіге бөліп тұрған көпірдің жабылуына қарсы шеруге шыққан.

Ибар өзені үстіндегі көпірде сербтер «Бейбітшілік саябағын» салуды жоспарлап отыр. Бұған қарсы шерулеткен албандарды таратуға жергілікті полиция, Еуроодақ миссиясы қызметкерлері мен НАТО-ның бітімгершілік күштері тартылған.

Наразы топ тәртіп сақшыларына қарсы тас лақтырып, олардың көліктеріне өрт қойды.

Ал, полиция шерушілерді газ қаруы мен түтін гранатасын қолданып таратты.

Арай ТӨЛЕГЕНҚЫЗЫ

Автор

Арай Төлегенқызы

Бөлісу