Аштық жариялаған «Әл-Жәзира» тілшісі босатылды

130 күннен астам уақыт бойы аштық жариялаған катарлық «Әл-Жазира» телеарнасының тілшісі Каирдегі Тора түрмесінен босатылды. Абдулла Шамиді денсаулығының сыр беруіне байланысты қамаудан босату туралы шешімді Мысыр прокуратурасы қабылдаған.

 

Түрмеде ешқандай айып тақпай ұстағандарына қарсылық ретінде журналист 5 ай бойы тамақ ішуден бас тартты. Тума-туыстарының айтуынша, Шами 40 келіге арықтаған. Бұдан басқа, Каир түрмесінде «Әл-Жазираның» үш тілшісі отыр.

 

Оларды 15 жылдан 25 жылға бас бостандығынан айыру жазасы күтіп тұр. Мысыр билігі журналистерді тыйым салынған «Мұсылман бауырлар» қозғалысының мүддесін қорғайтын жалған ақпарат таратты деп айыптап, былтыр түрмеге жапқан.

 

Арай ТӨЛЕГЕНҚЫЗЫ