Басты Жаңалықтар Тұрғындар Мосул қаласынан кетіп жатыр

Тұрғындар Мосул қаласынан кетіп жатыр

11.06.2014 09:30

Ирактың премьер-министрі Нүри әл-Мәлики парламенттен елде төтенше жағдай жариялауға және жоғары әскери дайындық жағдайына көшу туралы өтініш білдірді.

Бұған елдің екінші ірі қаласы Мосулды радикалды Ирак пен Левант исламдық мемлекеті тобының басып алуы түрткі болған.

Қазір қаладан тұрғындар жаппай көршілес автономиялық Күрдістан аймағына кетіп жатыр. Ал, үкімет әскері содырларға қарсы күш көрсетуге қауқарсыз.

Қарулы топ дүйсенбіде қаланың жергілікті әкімшілігі мен басқа да үкіметтік мекемелерін басып алып, түрмеден 3 мыңдай тұтқынды босатып жіберген.

Қашып шыққандар арасында аса қауіпті террористер де бар. Соңғы түскен ақпарға сай, радикалды топ мүшелері жаңа аудандарды басып алып, басқа да провинцияларға ойыса бастады.

Арай ТӨЛЕГЕНҚЫЗЫ

Автор

Арай Төлегенқызы

Бөлісу