Басты Жаңалықтар Германияда дауылдың кесірінен 6 адам қаза тапты

Германияда дауылдың кесірінен 6 адам қаза тапты

10.06.2014 08:30

Ал Германияда ауа-райы құбылып тұр. Бірер күн бұрын өңірде күн шыжып, аптап ыстық орнаған еді. Ал, бүгін елдің батысында күшті дауыл соғып, нөсер жауын шелектеп құйған.

Табиғи апаттан 6 адам қаза тауып, 30-ы жараланды. Күшті желдің әсерінен түп-тамырымен жұлынған ағаштар адамдардың үстіне құлап, көлік жолдарын басып қалған.

Сағатына 150 шақырым жылдамдықпен соққан желден қоғамдық көлік қатынасы үзіліп, әуежайдың қызметінде де ауытқулар болды, метрода пойыз қозғалысы тежелді.

Жел мен жаңбыр елдің солтүстік-шығысына ойыса бастады. Синоптиктердің болжамынша, Ганновер мен Бременде бүгін түн суық болмақ.

Арай ТӨЛЕГЕНҚЫЗЫ

Автор

Арай Төлегенқызы

Бөлісу