Басты Жаңалықтар «Rolls-Royce» Пномпеньде автосалон ашпақ

«Rolls-Royce» Пномпеньде автосалон ашпақ

10.06.2014 05:30

Қымбат автокөліктерімен аты шыққан әйгілі «Rolls-Royce» компаниясы әлемдегі ең кедей елдердің бірі Камбоджада өз темір тұлпарларын саудаламақ. Машина құрастыру алыбы ел астанасы Пномпеньде келесі айда автосалон ашатынын мәлімдеді.

Компания өкілдерінің айтуынша, бұған 2005 жылдан бері Камбоджада аталған көліктерге деген сұраныстың артуы себеп. «Rolls-Royce»көліктерінің бағасы 450 мың АҚШ долларынан басталады.

Ал, камбоджалықтардың орташа жылдық табысы 2600 долларды құрайды екен. Сондықтан, тұрғындар қымбат маркалы автокөліктер салонының ашылуын мерзімсіз деп есептейді. «Rolls-Royce»компаниясы соңғы кездері өз өнімдерін Азия-Тынық мұхитының бірнеше дамушы нарық елдерінде ұсына бастады.

Арай ТӨЛЕГЕНҚЫЗЫ

Автор

Арай Төлегенқызы

Бөлісу