Басты Жаңалықтар Карачи әуежайында атыс қайта басталды

Карачи әуежайында атыс қайта басталды

09.06.2014 12:30

Соңғы түскен ақпарға сай, Карачидегі халықаралық әуежайда атыс қайта басталды. Онда әскерилер арнайы операция жүргізіп жатыр.

Ал, бұдан бірнеше сағат бұрын ел билігі әуе айлағын шабуылшылардан толықтай босатқанын, қарулы топтың барлық 10 мүшесінің көзі жойылғанын мәлімдеген болатын.

Қылмыскерлердің қолынан 13 адам қаза тапқан. Құрбандардың көбі - әуежайдың қауіпсіздік қызметкерлері мен әуе компания жұмысшылары. Атыс 5 сағатқа созылған.

Шабуыл барысында әуе айлағына полиция киімімен кірген қаскөйлер 3 бірдей жарылыс ұйымдастырған. Операциядан кейін қауіпсіздік күштері олардан граната атқыштар мен бірнеше автомат тәркіледі.

Әзірге, қанды оқиғаны ешкім мойнына алмай отыр.

Арай ТӨЛЕГЕНҚЫЗЫ

Автор

Арай Төлегенқызы

Бөлісу