Сенат төрағасы байқаушылармен кездесті

Парламент Сенатының Төрағасы Қасым-Жомарт Тоқаев Тәуелсіз Мемлекетттер Достығына қатысушы елдердің Парламентаралық Ассамблеясының байқаушылар миссиясы өкілдерімен кездесті. Спикер Сенат сайлауының мониторингіне қатысқаны үшін алғыс айта отырып, бақылаушылар миссиясы едәуір өкілетті және сайлау мониторингінде мол тәжірибесі бар екенін атап өтті. Делегация басшысы, Ресей федералдық жиналысы Федерация Кеңесі төрағасының орынбасары Ильяс Умаханов делегация құрамында 5 елдің өкілдері болатынын, олар Астана, Қарағанды және Көкшетау қалаларындағы сайлау барысын бақылайтынын айтты. «Сенат депутаттарын сайлайтын бұл саяси сәттің маңызы жоғары екенін біз жақсы түсінеміз», - деді Ильяс Умаханов.

Индира БЕГАЙДАР