Ет экспортының әлеуеті артуда

Алматы облысының Алакөл ауданында Арқарлы және Майбүйрек атты жайылымдар бар. Аумағы шамамен 20 мың гектар. Бұл жер әсіресе, қыста малды қорада қамамай-ақ еркін жаюға қолайлы.

Дәл осы жайылымда 10 мың бас сиырға арналған шаруашылық құрылды. Мақсаты – еліміздегі ет экспортының әлеуетін арттыру.  Бұл жерге мал сонау Австралия құрлығынан былтыр келді. Бір қыстады, қысқа төзімді екенін көрсетті.

Шаруашылық толық қуатында жұмыс істей бастағанда, 60 адам жұмыспен қамтылады. Қазірдің өзінде бұл кешенде 40 шақты жұмысшы бар. Оларға заман талабына сай жағдай жасалған. Ауыл-аймақтан жырақ жүрсе де, бақташылардың алаңсыз еңбек етуіне барлық мүмкіндік қарастырылған.

Қуаныш ҚАНАТҰЛЫ