Президенттің Жарлығымен Үкіметтің жаңа құрамы бекітілді

Бүгін Мемлекет басшысы Нұрсұлтан Назарбаевтың Жарлығымен Иманғали Тасмағамбетов Қазақстан Республикасы Премьер-Министрінің орынбасары қызметіне тағайындалды. Ал, бұған дейін Премьер-Министрдің орынбасары лауазымын атқарған Дариға Назарбаева Президент Жарлығымен Сенат депутаты болды.

Ал, Әділет Министрі Берік Имашев, бүгіннен бастап Орталық сайлау комиссиясының төрағасы қызметіне кіріседі. Сондай-ақ, Сәкен Жасұзақов Қорғаныс министрі болып тағайындалды. Бұған дейін Президент Әкімшілігі басшысының орынбасары қызметін атқарған Марат Бекетаев Президент Жарлығымен Әділет Министрі қызметіне тағайындалды.

Армангүл ТОҚТАМҰРАТ