«Қазақстан - Еуропалық одақ» іскерлік кеңесінің кезекті отырысы өтті

«Еуропалық одақ Қазақстанмен ынтымақтастықты арттыруға мүдделі». Бұл туралы Брюссельде өткен басқосуда Еуропалық одаққа төрағалық етуші Латвияның Сыртқы істер министрі Эдгарс Ринкевичс мәлімдеді.

«Қазақстан - Еуропалық одақ» іскерлік кеңесінің кезекті отырысына еліміздің Сыртқы істер министрі Ерлан Ыдырысов қатысып, екіжақты қарым-қатынасты дамытуға байланысты келелі келіссөз жүргізді.

Ерлан Ыдырысов Еуропалық одақтың жаңа басшыларына Президент Нұрсұлтан Назарбаевтың атынан елге шақырту қағазын тапсырды.

Сондай-ақ, тараптар жиында Иранның ядролық бағдарламасы, Таяу Шығыс, Украина мен Ауғанстандағы ахуалды да назардан тыс қалдырмады.

Нұрсұлу ҚАСЫМ