Елімізде «Жолда қабылдау» акциясы өтіп жатыр

Қазақстан полициясы «Жолда қабылдау» акциясын бастады. Тұрғындар құқық қорғау саласына қатысты кез келген сұрағы бойынша арнайы ұйымдастырылған мобильді топқа жүгіне алады. Жол ережесі, көші-қон, құқық қорғау және басқа сұрақтарға сол саланың маманы жауап береді.

Тұрғындар көбінесе жол ережесі және азаматтарды тіркеу бойынша сұрақтар қойып жатыр. Елордада «Жолда қабылдау» мобильді тобы 6 жерге орналастырылған. Олар ертең де жұмыс істейді. 

Нұржан Әділов, Нұр-Сұлтан қаласы Полиция департаменті Әкімшілік полиция басқармасының бөлімше бастығы:

- Қойылған сұрақтардың бәрі тіркеледі. Олардың барлығын кешке жақын қорытындылап, талқылап, жауабын береміз.

Оңғар АЛПЫСБАЙҰЛЫ