Алматыда түйе етінен төрт түрлі дайын өнім шығаратын шағын зауыт іске қосылды

Өндіріс орнының жылына 600 мың дана консервіленген өнім дайындау мүмкіндігі бар. Қазақ ұлттық аграрлық университетінің ғалымдарымен бірлесіп, әрбір өнімнің рецептурасы табиғи таза қоспалармен дайындалады. «Осы себепті тұтынушының денсаулығына ешқандай қауіп жоқ», - дейді мамандар.

Консервілік өнімдер ұзақ мерзімге сақталады. Бұл өндіріс орнының толық қуатпен жұмыс істеуі үшін мемлекет тарапынан 170 млн теңге қаржы грант ретінде берілген. Сондықтан өндіріс орны болашақта Қазақстанда жасалған маркасымен экспортқа шығуды көздеп отыр.

Әсел Сейітқадырова, кәсіпорын басшысының орынбасары:

- Бізде тағамның 4 түрі бар. Бұқтырылған ет, күріш ботқасы, қарақұмық ботқасы, арпа ботқасы жасалады. Бұл - 120 градусқа шыдайтын арнайы қаптама.

Нұрлан АСҚАРҰЛЫ