Батыс Қазақстанның Қарасу тоғанында жаппай балық қырылып жатыр

Батыс Қазақстанның Қарасу тоғанында тағы да жаппай балық қырылып жатыр. Бұл Қазталов ауданында жылда қайталанатын жағдай. Жасанды тоғанның түбі тайыз. Ұзындығы  - 4 шақырым, ені 1 метрдей.

Ауыл тұрғындары балықтың өлуіне судың лайлануы себеп дейді. Су жәндігіне оттегі жіберу үшін қыста ойық ойылған. Дегенмен, жағаға шығып қалған шабақта есеп жоқ. Оқиғаның себебін облыс орталығынан келетін мамандар анықтамақ. Қазір тоғанды тазалау жұмыстары жүріп  жатыр.

Жүсіп Шақуов, Қазталов ауылдық округінің әкімі:

Бүгінгі күні шабақтардың өліп жатқан фактілер бар. Тиісті шаралар алынып, қоғамдық  азаматтарымызбен, жалпы мекеме-кәсіпорындар,  ауыл тұрғындарымен Қарасу жағалауы тазалануда.

Ардақ МҰРАТҚЫЗЫ