Ассамблея кеңесі өтті

Қазақстан халқы Ассамблеясы әлеуметтік қамқорлық бағытындағы жұмысына екпін бермек. Бүгін елордада ұлттар мен ұлыстың ұйытқысы болып отырған бірегей институттың кеңейтілген кеңесі өтті. Жиында қариялар мен көпбалалы отбасыларға жан-жақты көмек қолын созу үшін ассамблея тарапынан атқарылатын жұмыстарды күшейту қажеттігі айтылды.

Сондай-ақ, енді бұл ұйым сараптамалық, ғылыми-зерттеу бағытындағы жұмыстарға басымдық беруді көздеп отыр. 29 сәуірде «Бейбітшілік пен келісім формуласы: әлеуметтік бірлік және жаңғырту» атты ассамблеяның XXVII сессиясы өтеді. Ауқымды іс-шарада бірқатар маңызды бастама көтеріледі деп болжануда. Келелі жиынға дайындық барысы қызу талқыланып жатыр.

Шерхан ЖАМБЫЛҰЛЫ