Қар құрсауында қалған 7 адам құтқарылды

ШҚО-да қар құрсауында қалған 7 адам құтқарылды. Оқиға Күршім ауданындағы Құйған ауылдық округіне қарасты Татарка елді-мекенінде болған. Электр желілерін жөндеуге барған мамандар мінген екі автокөлік қалың қарға батып қалған. Құтқарушылар көмекке дер кезінде келіп, арнайы техниканың көмегімен мамандарды жақын маңдағы ауылға жеткізді. Бұдан бөлек, Күршім ауданында жол талғамайтын көлік бұзылып, 5 адам жолда қалған. Байланысқа Starlink арқылы шығып құтқарушыларды шақырған. Зардап шеккендер жоқ. Төтенше жағдайлар департаменті көлік жүргізушілеріне жолға шығар алдында күн райын қадағалап, дауылды ескертулерге назар аударуға шақырады.