Жаңалықтарды Telegram арнамыздан оқыңыз!«Нұрлы жол» бағдарламасы бойынша Қостанай облысында биыл 5,7 миллиард теңгеге 392 шақырым жол орташа жөндеуден өтеді. Бұл былтырға қарағанда бес есеге көп. Атап айтқанда, облыстық маңызға ие Ұзынкөл-Сарыкөл бағытындағы жол қайта жаңартылады. Сондай-ақ, Қостанай халықаралық әуежайындағы жұмыстар толығымен аяқталады. Әуе қақпасының ұшу-қону жолағын күрделі жөндеуге 2,5 миллиард теңге қарастырылған. Нысанды жаңғыртудың нәтижесінде жолаушылар және жүк тасымалы бағытында жаңа рейстер ашылады.
Алексей Костюков, облыстық Автомобиль жолдары және жолаушылар тасымалы басқармасы басшысының орынбасары:
- Жөндеуден соң, әуежай үлкен әуе кемелерін қабылдай алады. Көлемді жүктерді еш кедергісіз шет елдерге, өзге облыстарға жеткізуге мүмкіндік туады. Әуежай халықаралық деңгейде қызмет көрсетеді.
Дәуренбек ӘБДІБЕК
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
