Алматыда көлік жүргізушілері өзгерген жол ережесіне наразылық білдіріп, бейбіт автошеру ұйымдастырды

Бұған әл-Фараби даңғылы, Шығыс айналма автомобиль жолы және Сайын мен Бұқтырма көшесінде рұқсат етілген жылдамдықтың 80 шақырымнан 60-қа шектелуі түрткі болды. Қатысушылар аталған көшелердегі жылдамдықты қайтадан сағатына 60 шақырымнан 80 шақырымға өзгертуді талап етіп отыр. Олардың сөзінше, бұл жобаның экологиялық зиянын айтпағанда, экономикалық дамуға кедергі. Себебі, онсыз да кептелістен көз ашпайтын көпшілік көк түтінге тұншығады.

Темірлан Жаманқұлов, қала тұрғыны:

- Шынын айтқанда, жүргізушілерге өте қиын болып жатыр қазір. Әкімдікке айтарымыз, қайтадан 80 қылып қойыңыздаршы.

Нұрлан АСҚАРҰЛЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.