Былтыр Ұлытауға 14 мыңнан астам турист келген

Былтыр Ұлытауға 14 мыңнан астам турист келіп, тарихи ескерткіштер мен киелі өңірлерді аралаған. Бұл туралы «Ұлытау» ұлттық тарихи-мәдени және табиғи музей-қорығының өкілдері хабарлады. Қорға биыл 63 жәдігер қабылданып, оның 34-і негізгі қорға енгізілген. Сондай-ақ, 15 этнографиялық жәдігер қайта қалпына келтірілген. Бұл музейге келем деушілер қатарын көбейткен. Мысалы Ұлытауға былтыр 14 мыңнан астам турист келсе, оның 200-ден астамы шетелдіктер екен. Мәдени мекеме өкілдері «бұған халықаралық деңгейдегі шаралар көп септігін тигізді», дейді. 

Баян Шайгөзова, «Ұлытау» ұлттық тарихи-мәдени және табиғи музей-қорығы директорының орынбасары:

- Біз халықаралық семинар өткізген болатынбыз. Оған Өзбекстан, Қырғызстан, ЮНЕСКО өкілдері келді. Соны 13 сессияда Маврикий Республикасында қорғап келдік. ЮНЕСКО-ның дүниежүзілік тізіміне ендік және сертификат алдық. 

Дулат АБИБУЛЛАЕВ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.