«Әзірет Сұлтан» мешітінде діни ақпарат беру бөлмесі мен Саll орталығы ашылды

Астаналық тұрғындардың назарына. Егер Сіз қандайда бір қиын жағдайға тап болсаңыз, жаныңыз күйзеліп жүрсе, қаладағы мешіттерге барып ақыл-кеңес алуыңызға болады. Бүгін «Әзірет Сұлтан» мешітінде діни ақпарат беру бөлмесі мен Саll орталығы ашылды. Ол жерде имамдар басына түскен ауыртпалықты көтере алмай, күйзеліске түскен жандарға бағыт-бағдар беріп, оларды сабырға келтіреді. Сондай-ақ, отбасында болған кикілжіңдер кезінде дұрыс шешім қабылдауға көмектесетін болады. Ал, Саll орталыққа 33-30-30 нөмірі арқылы қоңырау шалуыңызға болады. Ол жерде 60 діни қызметкер 24 сағат бойы үзіліссіз жұмыс істейді. Олар хабарласқандардың сұрағына жауап беріп, ақыл-кеңестерін береді.

Тағы бір жаңалық, елорданың 10 мешітінде садақа терминалдары орнатылды.  

Сәуле АЛДАМҰРАТҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.