2020 жылы БҚО цифрлы хабар таратуға көшеді

Екі жылдан соң Батыс Қазақстан облысы цифрлы хабар таратуға көшеді. БАҚ өкілдерімен кездескен Ақпарат және коммуникациялар вице-министрі Нұргүл Мәуберлинова осылай деді. Жолдау жүктеген міндеттерді насихаттай келген министрдің орынбасары сандық жүйеге қосылған жобалармен де танысты. Мәселен, қалалық әкімдікте тұрғындарға электронды түрде қызмет көрсетіледі. Мамандар күніне 200-дей адамды қабылдайды. Жалпы, елімізде мемлекеттік қызметтің 80 пайызы электронды форматқа көшкен. Цифрлы хабар тарату, сапалы интернетке қосылу да кезең-кезеңмен жүзеге аспақ.

Нұргүл Мәуберлинова, ҚР Ақпарат және коммуникациялар министрінің орынбасары:

- Батыс Қазақстан цифрлы хабар таратуға 2020 жылы көшеді. Келесі жылы инфрақұрылым құрылысы басталады. Бұл облыс орталығында - 30 және аудандарда 15 телеарнаның қосылуына мүмкіндік береді. Ал, 2021 жылы облыс бойынша 92 ауыл сапалы интернетпен қамтамасыз етілді.

Ардақ МҰРАТҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.