Студенттерді тұрғылықты жеріне тіркеу тәртібі жеңілдеуі мүмкін

Алматыда студенттерді тұрғылықты жері бойынша тіркеу тәртібі жеңілдеуі мүмкін. Сол үшін қала әкімдігі қазіргі талапты өзгертуді ұсынып отыр. Бүгінде Алматыда бір адамды тіркеу үшін пәтердің әр тұрғынына кемінде 15 шаршы метр есептеледі.  Ал жаңа жоба бойынша күндізгі бөлімде оқитын студенттерді бұл шектеуден тыс тіркеуге рұқсат берілмек. Яғни, пәтердің аумағы белгіленген талапқа сай болмаса да, студенттер оқу кезеңінде қалада заңды түрде тіркеле алады. Бұл өзгеріс басқа өңірлерден Алматыға оқуға келген жастарға қатысты. Әзірге құжат – қоғамдық талқылауда. Одан кейін Мәслихат депутаттарының қарауына ұсынылады.