Жол ережесін өрескел бұзған жүргізуші жауапқа тартылды

Алматыда өзін заңнан жоғары санаған жүргізуші әйел жауапқа тартылды. Ол әлеуметтік желіде қауіпсіздік белдігін тақпай көлік жүргізген видеосын жариялап, ешкімнің өзіне шара қолдана алмайтынын айтқан. Алайда тексеру барысында әйелдің бұған дейін сот шешімімен көлік жүргізу құқығынан айырылғаны анықталды. Соған қарамастан, ол рөлге қайта отырған. Әйелге бірнеше әкімшілік құқық бұзушылық бойынша хаттама толтырылып, көлігі айыптұрағына қойылды. Сондай-ақ оған автокөлігін берген адам да жауапқа тартылды.