570 орындық көпбейінді аурухана салынып жатыр

Түркістанда көпбейінді аурухананың құрылысы жүріп жатыр. 570 орындық медициналық нысанның құрылыс-монтаждау жұмыстарының басым бөлігі аяқталуға жақын. 15,6 гектар аумақты алып жатқан аурухананы салуға 300-ден астам адам жұмылдырылған. Заманауи медициналық құрал-жабдықтармен жабдықталатын нысанның құрылысын жыл соңына дейін аяқтау жоспарлануда. Ал келер жылы медициналық мекемеге қажетті құрал жабдықтар жеткізіледі. Жаңа аурухана іске қосылғаннан кейін өңір тұрғындарына көрсетілетін медициналық көмектің қолжетімділігі артып, күрделі медициналық қызметтерді жергілікті жерде алу мүмкіндігі кеңейеді. Сонымен бірге заманауи диагностика мен емдеу қызметтерін дамытуға жағдай жасалмақ.