Жаңалықтарды Telegram арнамыздан оқыңыз!Америкалық мамандар Қазақстанға келіп, мүгедектер арбасын жасау тәсілдерін үйретіп жатыр. Әр адамның ерекшелігіне байланысты арбаның мүмкіндіктері мен басқарылу тәсілі өзгешеленуі керек. Арнайы семинар-тренингке Қазақстанның барлық облысынан мамандар қатысуда. Тапсырыспен құрастырылатын арбадан бөлек, кей сәтті құрылғыны қайта бейімдеуге де болады. Бұл мүмкіндігі шектеулі жандардың кедергісіз жүріп тұруына жол ашады.
Билл Эйблс, «LDS - Charities» компаниясының әлеуметтік жобалар бойынша еріктісі:
- Тренингтен бөлек, біз Қазақстанға кемегімізді ала келдік. 343 мүгедектер арбасын тегін таратпақпыз. Біздің басты мақсатымыз – барлық адамдардың өмір сүру мүмкіндігін теңестіру.
Оңғар АЛПЫСБАЙҰЛЫ
