Шығыс Қазақстанда бала асқазанынан ұйысып қалған шаш шықты

Шығыс Қазақстанда дәрігерлер 10 жастағы қыздың асқазанынан ұйысып қалған шаш алып шықты.  Күршім ауданынан келген ата-ана баланың  тәбетінің күрт төмендеп, салмақ тастағанын айтып шағымданған.

Жасөспірімді  дереу ультрадыбыстық тексеруден өткізген облыстық «Ана мен бала» орталығының мамандары оның асқазанында бөгде заттың бар екенін анықтады. Қарақаттың ата-анасы оның  шашын, тырнағын аузына салып тістелеп отыратын әдеті бар екенін айтқан. Мамандардың мәліметі бойынша,мұндай жағдайлар әсіресе, 5 пен 12 жас аралығындағы қыз балаларда кездесуі мүмкін. Орталық дәрігерлері дәл осындай операцияны 4 жыл бұрын 5 жасар  қызға  жасаған. 

Есен  Шоқаев, облыстық «Ана мен бала» орталығының хирургі:

- Ота сәтті өтті.  Асқазаннан жалпы ұзындығы 12 сантиметр, жалпы салмағы 2,5 килограмм шаш  шықты.  Ол 1,5 -2 жылдың ішінде жиналған. Мұндай патологиялар сирек кездеседі.

Қарақат Мұрат, емделуші:

- Дәрігерлер маған жақсы қарайды. Бір-екі күннен кейін үйге барамын.

Берік КӨШЕРБАЙ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.