Астанада жаңа автовокзал ашылды

Су жаңа мекеме «Нұрлы жол» теміржол вокзалының ішінде орналасады. Ертең алғашқы рейспен жолаушылар осы жерден Қарағанды және Степногорск қалаларына қатынайды. Бастапқы кезеңде автобустар 6 бағыт бойынша жүреді. Келер жылдың алғашқы жартыжылдығында рейстердің саны артып, еліміздің барлық өңіріне қатынай бастайды. Автовокзалдың ашылу салтанатына орай ресми шара ұйымдастырылды. Жолаушыларға қажетті ақпараттар беріліп, автобустардың кестесі таратылды. Күні-түні демалыссыз жұмыс істейтін жаңа бекетте жолаушылардың қолайлығы үшін барлық жағдай жасалған. 

Жарқын Бекжанов, «Сапаржай-Астана» ЖШС директоры:

- «Сапаржай-Астана» ЖШС 2000 жылы құрылды. Содан бері елордадағы жалғыз автовокзал. Ертеңнен бастап Астанадан оңтүстік бағыттар бойынша билеттер сатылады.

Бақытжан ОМАР

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.