Ресей, Украина мен АҚШ арасында үш жақты келіссөз өтеді

9 ай үзілістен соң бүгін Киев, Мәскеу мен Вашингтон Украинадағы соғысты аяқтау бойынша келіссөздерді қайта бастайды. Екі күнге жоспарланған кездесу Біріккен Араб Әмірліктерінің астанасы Абу-Дабиде өтеді. Келіссөзде қозғалатын басты тақырыптардың бірі күллі Еуропаның қауіпсіздігі болмақ. Ресей мен Украинаның соғыстан кейінгі қауіпсіздігін қамтамасыз ету және тараптарға берілетін қауіпсіздік кепілдіктері, Украинаның экономикалық даму болашағы мәселелері талқыланады. Украина делегациясын Рустем Умеров, Ресей делегациясын Владимир Мединский басқарады. Талқылау жабық форматта өтеді.