Жаңалықтарды Telegram арнамыздан оқыңыз!«АрселорМиттал Теміртау» компаниясына қарасты кәсіпорындар мен көмір шахталарындағы еңбек жағдайы талапқа сай келмейді. Қарағандылық прокурорлар тексеріс жүргізіп, мыңнан астам заң бұзу фактілерін анықтады. Бұған қоса 600-дей техникалық құрал-жабдық істен шығып, бірқатары әбден тозып біткен. Жұмыс орындарында санитарлық-гигиеналық жағдай сын көтермейді.
Кәсіпорын мен кеніштердің маңызды аумақтарында өрт қауіпсіздігі сақталмаған. Бұған қоса жұмысшылар газ бен басқа да улы заттар мөлшері көп, шаң басқан ортада еңбек етуге мәжбүр. Сондай-ақ, жалақы төлеу жүйесінде де кемшіліктер анықталды.
Бекзат Ахметов, Қарағанды облыстық прокуратурасы басқарма басшысының орынбасары:
- Тексеріс қорытындысы бойынша «АрселорМиттал Теміртау» компаниясының басшыларына және уәкілетті органдарға хаттамалар жіберілді. Кеткен қателіктердің 1000-нан астамы дұрысталды. Сондай-ақ, 100-ден артық адам әкімшілік жауапкершілікке тартылып, 18 894 жұмысшының конституциялық құқығы қорғалды.
Руслан НҰРЛАНҰЛЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
