Елімізде жарты жылда 421 нысан жекешелендірілді

Елімізде 13 ұлттық холдинг жекеменшікке өтті. Бұл туралы Қаржы министрлігінің өкілі жекешелендірудің кешенді жоспары бойынша журналистерге берген баспасөз мәслихатында мәлімдеді. Биыл 6 ай ішінде кешенді жоспарға енген 887 нысанның 502-і саудаға шығарылып, оның 421-і сатылыпты. Түскен қаражаттың басым бөлігі ұлттық холдингтер мен компанияларға тиесілі.

Атап өтсек, «Самұрық-Қазына» ұлттық әл-ауқат қоры» Акционерлік қоғамының активтерін жекешелендірудің арқасында 132 млрд.теңге көлемінде қаржы түскен. Жалпы, министрліктің айтуынша, кешенді жоспар ойдағыдай жақсы қарқынмен жүзеге асырылып жатыр. Жыл соңына дейін тағы 87 нысан сауда-саттыққа шығарылмақ. Ал, бүгінгі күнге дейін қойылған жоспар шамамен 77 пайызға орындалған екен. 

Қалымжан Ибраимов, ҚР Қаржы министрлігі Мемлекеттік және жекешелендіру комитетінің басшысы:

- Сату бағасы 216 млрд. теңгені құрады. Оның ішінде 29 республикалық меншік объектісі. Сату бағасы – 26 млрд. теңге. 229 коммуналдық меншік объектісі. Сату бағасы – 49 млрд. теңге. 363 ұлттық холдингтер объектісі. Сату бағасы – 141  млрд. теңге. Сонымен бірге, кешенді жоспардың 63 топ объектісінің 15-і 110,5 млрд. теңгеге сатылды. Оның ішінде екеуі республикалық меншіктің және 13-і ұлттық холдингтердің объектілері. 

Альбина ӘШІМ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.