Талдықорған бірлік мерекесін сән-салтанатпен атап өтті

Талдықорған жұрты татулықты ту еткен мейрамды сән-салтанатымен атап өтті. Жалпы, Жетісу жерінде 105 ұлт өкілі береке-бірлікте өмір сүріп, 70-тен астам этномәдени бірлестік жұмыс істейді. Былтыр Ассамблея құрамындағы кеңестер мен ұйымдар Елбасы мақаласындағы «Туған жер», «100 жаңа есім» және «Қазақстанның киелі географиясы» сынды шағын бағдарламаларды үйлестіруге атсалысты. Ендігі мақсат - Президенттің 5 әлеуметтік бастамасының жүзеге асырылуына жұмыла күш салу.

Оралбек Жақиянов, Алматы облыстық ҚХА жанындағы Қоғамдық келісім кеңесінің төрағасы:

- Біздің жетістігіміздің барлығы қоғамдық келісімге байланысты. Халықтың бірін-бірі түсініп, бірін-бірі сыйлауы мен ынтымақтастығының арқасында жақсы нәтижеге жетіп отырмыз. 

Қуаныш ҚАНАТҰЛЫ