Жетісулықтар Алғыс айту күнін «Қазақ халқына мың алғыс» ескерткіші маңында атап өтті

Алматы облысында Алғыс айту күнін жұрт «Қазақ халқына мың алғыс» атты ескерткіш маңында атап өтті. Бастөбе ауылындағы мемориалды кешенді 2012 жылы Жетісу жерінде тұратын корей ұлтының өкілдері тұрғызған болатын. Себебі, тоталитарлық жүйеден жапа шеккен мыңдаған корей дәл осы төңірекке қоныстанған еді. Аш-жалаңаш, барар жер, басар тауы жоқ жұртты қазақ халқы бауырына басты. Төрін беріп, бір жапырақ нанымен бөлісті. Аман қалып, ұрпақ өрбітуіне себепші болды. Осы жақсылықты ұмытпаған өзге этнос өкілдері әлі күнге дейін Қазақ еліне ризашылығын білдіріп келеді. 

Клара Хан, Қазақстан халқы Ассамблеясының мүшесі:

- Осы Алғыс күні ең жақсы мейрам. Қазақ халқына үлкен рахмет айтамыз.  

Қуаныш ҚАНАТҰЛЫ