«Қазпошта» жаңа цифрлық офисін іске қосты

Кіре берістен қарсы алатын Қуаныш атты робот қызмет түрлерін қалай, қай бұрыштан алу қажеттігін түсіндіреді. Одан соң кез келген операцияны тұтынушы өзі орындай береді. Тіпті, қаржы операцияларын орындайтын банкоматтар менеджерді қажет етпейді. Бұл ТМД елдері мен Шығыс Еуропадағы бірінші цифрлі офис. Әзірге 2 менеджер құрылғыларды пайдалану туралы нұсқаулықтар береді. Болашақта қызмет түрлерін толықтай компьютерлер көрсетеді деген жоспар бар.

Сәкен Сәрсенов, «Қазпошта» АҚ басқарма төрағасы:

- Біз мұндай цифрлық кеңселердің 8-ін ашайын деп жатырмыз. Алматы, Қарағанды, Шымкент және Ақтөбеде. Біздің азаматтарға мұндай технология ұнап жатса, бұдан да көп цифрлық кеңселерді ашамыз деген үміт бар.

Оңғар АЛПЫСБАЙҰЛЫ