Елдегі кітапханалардың бүгінгі деңгейі өте нашар - Мәжіліс депутаты

Мәжіліс депутаты Нұрлан Дулатбеков осылай деп дабыл қақты. Оның айтуынша, оқырмандарға қызмет ететін кадрлардың кәсіби деңгейі төмен. Кітапханашы мамандығына бөлінетін оқу гранттары жеткіліксіз. Қызметкерлердің жалақысы да тым аз. Осыған орай депутат аталған салаға қатысты заңдарға өзгертулер енгізуді ұсынды. 

Нұрлан Дулатбеков, ҚР Парламенті Мәжілісінің депутаты:

- Мен Ұлттық кітапхананы да зерделеп шықтым. 50-60 пайызға жуығы өз мамандығы бойынша жұмыс істемейді. Арнайы білімдері жоқ. Екі Ұлттық кітапханамызда сирек қор бар. Бірақ, сол сирек қорларда істеп жатқан мамандардың кәсібилігі бұрынғы деңгейде емес. Оған жұмыс істеуіміз керек.

Оңғар АЛПЫСБАЙҰЛЫ