Алматы облысында 10 жыл бойы тоқтап тұрған қант зауыты жұмысын жандандырды

Мемлекеттік жекеменшік серіктестік негізінде іске қосылған Ақсу қант зауыты алғашқы өнімін шығарды. 350 мың тонна қант қызылшасын өндіре алатын қуатты кәсіпорын 500 адамды жұмыспен қамтыды. Ақсу, Сарқан, Алакөл аудандарының қызылша өсірушілері биыл зауытқа 80 мың тонна тәтті түбір өткізді. Бұған дейін олар өнімін Көксу қант зауытына тасып келді. Елбасы өңір басшыларына қант қызылшасын өсіруді жолға қойып, қазақстандықтарды импортты азайтып, отандық өнім үлесін арттыруды тапсырған болатын. 

Бейбіт Сүлейменов, Ақсу аудандық мәслихатының хатшысы:

 - Көшіп кеткен адамдар қайтадан келіп, өз мамандықтарымен ауылға оралып жұмыспен қамтылып жатыр.

Қуаныш ҚАНАТҰЛЫ