«СК-Фармация» компаниясының басшысы мемлекет бюджетінен 1,8 млрд. теңге жымқырған

«СК-Фармация» компаниясының басшысы болған Максим Касаткин мемлекет бюджетінен 1,8 миллиард теңге жымқырған. Бұл туралы Жемқорлыққа қарсы ұлттық бюроның баспасөз қызметі хабарлады. Касаткин тендер өткізу кезінде «КазСибФармация» ЖШС қолдап, өзге қатысушылардың ұсынысын кері қайтарған. Ал, аталмыш компаниядан дәрі-дәрмек шекті бағадан 15 пайызға қымбат сатылып алыныпты. Қазір қос компанияның да басшылығы қамауда. Сотқа дейінгі тергеу жалғасуда.

Оңғар АЛПЫСБАЙҰЛЫ