Жекешелендiрудiң екiншi кезеңінде 447 нысан сатылды

Бұл туралы бүгін Қаржы вице-министрі Берік Шолпанқұлов мәлімдеді. Науқан басталғалы елде 569 обьект саудаға қойылған. Сатылғандардың 29-ы республикалық, 214-і коммуналдық меншік және 107-сі әлеуметтік кәсіпкерлік корпорациялардың ғимараттары болса, қалған 97-і ұлттық холдингтерге тиесілі. Нәтижесінде, ел қазынасына 125 млрд-тан астам теңге пайда келген. Түскен қаражаттың 71% «Самұрық-Қазына» нысандарының үлесінде. Объектілердің  басым бөлігі қазақстандық жеке азаматтардың иелігіне өтсе, 100-ден астамын инвесторлар еншілеген. Тек, бір нысанды IPO арқылы мыңдаған адам сатып алған. 

Армангүл ТОҚТАМҰРАТ