Астанадағы қараңғыда қалған элиталы тұрғын үйлерге жарық бүгін 20:00-де беріледі

2 күннен бері қараңғыда қалған елордалық элиталы тұрғын үйлерге бүгін кешкі 20:00-де жарық беріледі. Қалалық әкімдік «Итальянский квартал» және «Гордоской романс» тұрғындарының шағымына бей-жай қарамай, көмек қолын созуды ұйғарған. Себебі, тұрғын үйлердің энергия шаруашылығы қалалық желілердің балансында жоқ. Нысандардың иесі – «БазисИнвестСтрой». Ал, жарықтың өшуіне қуат жеткізуші кабельдер істен шығып, қысқа тұйықталу себеп болған. Ақауға ұрылар кінәлі. Олар екі шақырым кабельдің мысын жымқырып кеткен.

Армангүл ТОҚТАМҰРАТ