Алматыда әуе рейстері кестеден кешікті

Бүгін таңертең қою тұманның салдарынан Алматы халықаралық әуежайында 11 рейс кестедегі уақытынан кешікті. Ал, Алматы - Шаржы бағытында ұшатын рейс белгіленген уақытқа сәйкес ұшып келмеді. Сондай-ақ, Алматы - Үржар бағыты біраз кідірді. Екеуіне де ауа райының қолайсыздығы себеп. Алайда, түстен кейін Шаржы - Алматы әуе рейсі Алматыға қонды. Әуежай мамандарының сөзінше, Жаңа жыл қарсаңында қызметкерлер штаттық режимде жұмыс істейді.