Петропавлдық 351 адам Ресейге көшіп кеткенімен қазақстандық паспорттарын тапсырмаған

Теріскейде қазақстандық және ресейлік төлқұжатты қатар пайдаланып, көші-қон заңнамасын бұзған азамат ауылдық округ әкімі қызметін атқарған. Жалпы, биыл Ресейге көшкен тұрғындардың 351-і бұрынғы құжатын тапсырмаған. Көші-қон полициясы басқармасы мамандарының айтуынша, тіркеуден шықпаған олар Ресейге көшкенімен, қажет кезінде қазақстандық төлқұжатын да пайдаланып келген. Заңды бұзғандарға 100 айлық есептік көрсеткіш көлемінде айыппұл салынған. Ал, мемлекеттік қызметкерлер жұмысынан босатылған.