БАӘ-ден 180 қазақстандық турист елге қайта алмай отыр

Қалың тұманға байланысты Шарджа қаласының әуежайында 180 қазақстандық турист елге қайта алмай отыр. Қазір қаладағы барлық әуе рейстері тоқтатылған. Бүгін ҚР Инвестициялар және даму министрі өзінің жеке блогында оларды елге қайтару үшін барлық шараны қабылдап жатқанын жеткізді. «Қазір туристер қонақүйге жайғастырылды. Бұл мәселені шешудің екі жолы бар», - дейді министр. Біріншісі, «Эйр Арабия» компаниясы қосымша рейстер бөліп, қазақстандық туристерді елге жеткізеді. Екіншісі, қазақстандық туроператорлар «Scat» əуе компаниясымен бірлесіп, Шарджа қаласындағы туристерді Алматыға əкеледі.