Қарағанды облысында болат құбырлар шығаратын жаңа өндіріс орны ашылады

Бұл - мұнай-газ, құрылыс саласы мен тұрғын үйге қажет орташа диаметрлі, сұранысқа ие өнім. Облыс әкімі Нұрмұхамбет Әбдібеков инвесторлармен кездесіп, кәсіпорынның құрылысы туралы талқылады. Жобаны «Сарыарқа» әлеуметтік –кәсіпкерлік корпорациясы павлодарлық компаниямен бірлесіп жүзеге асырмақ. Бұған қоса, өндіріс орнын салуға қытайлық инвесторлар қызығушылық танытып отыр. Жоба құны - 7 млрд теңге.