Қазақстанда соңғы екі жылда 1800 мемлекеттік қызметкер жемқорлық ісі бойынша жауапқа тартылған

Олардың бюджетке келтірген шығыны 48 миллиард теңгеден асады. Бұл туралы бүгін Мемлекеттік қызмет істері және сыбайлас жемқорлыққа қарсы іс-қимыл агенттігінің өкілдері мәлімдеді.

Алайда, бұл көрсеткіштерге қарамастан, елімізде індетке айналған жемқорлық мәселесі жылдан-жылға азайып келеді. Тіпті, халықаралық агенттіктер де Қазақстанның осы бағыттағы жұмысын жоғары бағалаған.