Жаңа жыл жақындағанда жыл сайын пиротехникалық заттарды заңсыз сататындар көбейеді

Апта соңы - Жаңа жыл. Мереке күні түнгі сағат он екіден кейін далаға шығып, фейерверк атқанды көбіміз жақсы көреміз. Ал, тәртіп сақшылары мен төтенше жағдай қызметінің мамандары пиротехникалық заттарды қолданғанда сақ болуға шақырады.

Салют атамын деп саусағынан айырылып, фейерверкті қызықтаймын деп денесін жарақаттап алатын азаматтар көп кездеседі. Бүгін құқық қорғау қызметкерлері базарларда жарылғыш заттардың қаншалықты заңды сатылып жатқанын тексеріп шықты.