Алматыдағы «Жас Ұлан» мектебінің ұландары Бауыржан Момышұлының рухына құрмет көрсетті

Бүгін - даңқты қолбасшы, жазушы Бауыржан Момышұлының туған күні. Майдан даласында 207 рет шабуылға шығып, бірнеше рет жараланып, тірі қалған, өмір бойы ешкімге бас имей, тек өз ар-намысының ғана құлы болған қаһарманның өмірден өткеніне - 34 жыл.

Саналы ғұмырында ғибратқа толы істерімен әлем халқының ортақ перзенті дәрежесіне дейін көтерілген азаматты бүгін Қазақ елі ерекше тебіреніспен еске алды.

Алматыдағы «Жас Ұлан» мектебінің ұландары ұлтымыздың ұлы перзентінің рухына құрмет көрсетті. Сап түзеп, Халық қаһарманының ескерткішіне гүл шоқтарын қойды.

Амангелді СЕЙІТХАН