Павлодарда Орталық Азиядағы ең ұзын көпір ашылды

Тәуелсіздік алғаннан бері елімізде Ертіс өзенін ендейтін екі көпір салынды. Біріншісі Семейде. Ал, дәл бүгін ашылған Павлодардағы көпір өткелі халықаралық маңызға ие.

Бұл нысан - «Нұрлы жол» бағдарламасы шеңберінде қолға алынған «Астана-Павлодар-Өскемен» автокөлік жолының ең маңызды әрі күрделі бөлігі. Көпір еліміздің ішкі аймақтарын ғана емес, көршілес Ресей мен Қытай мемлекеттеріне баратын жолды да жақындатады.