Елімізде 10 ай ішінде 177 мигранттан туберкулез ауруы тіркелген

Қазақстанда биыл 10 айда туберкулез ауруына шалдыққан 177 мигрант тіркелген. Олардың басым бөлігі Өзбекстан азаматтары. Бұл туралы Астанада өтіп жатқан «Көші-қон және туберкулез: Орта Азия елдеріндегі туберкулезді бақылау» атты жиында айтылды.

Тізімде Ресей, Қырғыз елі мен Түрікменстан азаматтары да бар. Халықаралық шарада құрт ауруына шалдыққан мигранттарды қадағалауға алу, әсіресе, олардың өз елдеріне барып, тиісті деңгейде емделуін бақылауда ұстау жайы айтылды.