Еңбек бақытқа жетелейді

Қараусыз қалған жылыжайды қалпына келтіру Досымжанға оңайға соққан жоқ.

Қыруар қаржыдан бөлек, өлшеусіз еңбек жұмсалды. Тынымсыз тірліктің арқасында қазір жылыжайда қызанақ пен қияр жайқалып пісіп тұр. Бүгінге дейін 600 тоннадай өнім жиналды.

«Бір кісі қазған құдықтан мың кісі су ішеді». Досымжанның еңбекқорлығы арқасында бүгінде жылыжайда 100-ге тарта адам жұмыс істейді. Барлығы да ауылдастары. Мамандардың қасында жүріп көбі жылыжайда көкөніс өсірудің қыр- сырын әбден үйреніп алды.

Кез келген кәсіптің көзін тауып, әрі қарай дамытып, кеңейткенде ғана табысты болары сөзсіз.

Мұны Досымжан жақсы түсінеді. Енді еңбекқор азамат өндірген өнімін өңдейтін цех пен қойма салуды жоспарлап отыр. 

Ғани ҚАЛМАХАНОВ