Қызылордалық тәртіп сақшылары жаңа автокөлікке ие болды

Полицейлерге 50 қызметтік көліктің кілті салтанатты түрде табысталды. Бұл машиналар заманауи құрылғылармен жабдықталған.

Жалпы, аймақ басшылығы ішкі істер органдарының материалдық-техникалық базасын нығайтуға ерекше мән беруде. Жылдан-жылға салаға бөлінетін қаржы көлемі де артып келеді.

Қоғамдық қауіпсіздік пен тыныштықтың қалқаны болатын полицейлердің бес қаруы сақадай сай болуы өңірдегі криминогендік ахуалға да әсер етуде.

Мәселен, жуырда Қызылорда облысы еліміздегі «Ең қауіпсіз аймақ» деп танылды. 

Гүлжан ҚАЛТАЙҚЫЗЫ