Басты Жаңалықтар «Нұр Отан» партиясының қалалық филиалы жаңа ғимаратқа көшті

«Нұр Отан» партиясының қалалық филиалы жаңа ғимаратқа көшті

25.02.2014 05:30

«Нұр Отан» партиясының 15 жылдығы қарсаңында Талдықорған қалалық филиалы жаңа қонысқа көшті. Екі қабатты сәулетті ғимараттың жалпы аумағы - 800 шаршы метр.

Уақыт қажеттілігімен салынған кеңседе тұрғындардың өтініштерін қабылдауға барлық жағдай жасалған. Жаңа жерде нұротандықтар Елбасы Жолдауындағы тапсырмаларды орындап, мемлекеттік саясатты жүзеге асыруын қарқынды жалғастыратын болады.

Айта кетелік, осыдан 15 жыл бұрын қалалық филиалға небәрі 700 адам мүше болса, бүгінде олардың саны 10 мыңнан асты. Талдықорғанда партияның 20 бастауыш ұйымы мен 200-ден астам партиялық тобы бар.

Әсия Ахметова, «Нұр Отан» партиясы Талдықорған қалалық филиалы төрағасының орынбасары:

Жай ғана әдемі ғимарат емес. Бұл бүкіл халықтың мұң-мұқтажын, халықтың кеңестерін тыңдап, халық пен билік арасында дәнекер болып отырған партияның бұдан да әрі жұмысын жандандыруға жасалған игі шара, деп есептейміз.

Қуаныш ҚАНАТҰЛЫ

Бөлісу